Алхрақәа 2020
Тҟәарчал 20.03.20


Аҧсны Ахадарахьы акандидат Аслан Бжьаниеи, уи ихаҭыҧуаҩрахь акандидат Бадра Гәынбеи Тҟәарчал ақалақь аиҧылара мҩаҧыргеит.Аизара ихы алаирхәит Аслан Бжьаниа иштаб хада аиҳабы,ҧыхьатәи Аҧсны Ахада Александр Анқәаб.

Аслан БЖЬАНИА: «Ацәгьа умбакәа абзиа уздырӡом рҳәоит аҧсуаа,ианеиҿурҧшуа ауп ианыудыруа еиӷьу-еицәоу"- иҳәеит акандидат иқәгылараҿы.
"Уаанӡагьы иҟан апроблемақәа,аха урҭ шьаҿа-шьаҿа ирыӡбон,2014
шықәса инаркны урҭ апроблемақәа еиқәылоит. Ахәыҷбаҳчақәа зҭахым анапхгара шәбахьоу,ауаҩы мыцху ургылон ҳәа аҽыҧныҳәа ирҭо? Егьа иуадаҩзаргьы азҵаарақәа рыӡбашьа ҳақәшәароуп.Мап зцәаҳкуагьы рацәахоит. Иахьа Аҧсны аҳәынҭқарра аҧара амаӡам апроблемақәа рыӡбара азы. Зегь шәзыҟаҳҵоит ҳәа шәазҳәо рыгәра шәымган.Ҩышықәса инареиҵамкәа иаҭахәуп зусура еиҧҟьаз аҳәынҭқарратә усқәа реиҭашьақәыргылараз. Анаҩс ауп лҵшәак анаҳбо"- иҳәеит Аслан Бжьаниа Тҟәарчалаа раҧхьа дықәгыло.

Бадра Гунба игәалаиршәеит Аҧсны Аџьынџьтәылатәи аибашьраан ақалақь Тҟәарчал амацәаз ишҭакыз
" Ҳтәыла зегьы ааха аиоуит,аха Тҟәарчалаа зегь раасҭагьы рҭагылазаашьа уадаҩын,иахьа уажәраанӡагьы ачҳара аашәырҧшуеит,убри азы ҭабуп ҳәа шәасҳәоит"- ҳәа азгәеиҭеит Бадра Гунба
"Сара аполитика ду снапы асыркып ҳәа схәыцуамызт,аха аҧышәа ду змоу Аслан Бжьаниеи Александр Анқәаби зажәеи зуси еибаго уаауп, шәара абжьы ҳашәҭар иҳалшо зегь ҟаҳҵоит, ҳагәра згаз шәаҳцәыҧхамшьартә азы"- иажәа хиркәшеит Аҧсны ахада ихаҭыҧуаҩрахь акандидат Бадра Гунба.

Леон иорден занашьоу, Аҧсны Аџьынџьтәылатәи аибашьра аветеран Маврик Ҭорҭиа иқәгылараҿы Аслан Бжьаниа икоманда дшазыразу иҳәеит.
"Шәыгәра ҳгоит,аҿаргьы шәывагылоит,аиҳабацәагьы ҳшәыдгылоит,уи алагьы ҧхьаҟа ҳцоит"- иҳәеит аветеран.

Зураб Аргәыниа иажәақәа рыла Александр Анқәаб Аҧсны данахагылаз ашықәсқәа ақалақь ианыҧшит
"Иара ихаан ф-хыбрак иргылеит. Иџьабаа рацәоуп.Ҩажәи хәба гектар аарыхра Мухур ақыҭа еиҿкааз зегь ҩеит,ибжьысит,уахьахәаҧшуа угу ухьуеит, ус заҟа ҧхасҭа..." -иҳәеит Зураб Аргәыниа.

Аиҧылара ахыркәшамҭазы Тҟәарчалаа аҳәара ҟарҵеит Александр Анқәаб дықәгыларц азы
"Очамчыратәи Тҟәарчалтәи араионқәа хҧа хҧа миллиард рыдаҳҵарц ҳҭахын. Ирацәоуп аплан иарбаны иҳамаз"-иҳәеит Анқәаб Тҟәарчалаа ирымоу ауадаҩрақәа ртәы далацәажәо.

Аҵарауаҩ Зураб Џьапуа Тҟәарчалаа ихы нарықәкны Аслан Бжьаниа икоманда адгылара арҭарц иҳәеит.
"Ашьҳангьери Бжьаниа имаҭа, уи ифотосахьа збахьоу игәарымҭарц залшом заҟа диеиҧшу. Зымшьҭа бзиоу,азыҟаҵара змоу,адырра змоу,иҟәышу,иҟәыӷоу Аслан Бжьаниа ҳидгылап"- иҳәеит Зураб Џьапуа.

Аҧсны Ахада иалхра мҩаҧысуеит Хәажәкыра 22 рзы.





comments powered by HyperComments

comments powered by HyperComments
СМОТРИТЕ ТАКЖЕ:
Ещё