Аслан БЖЬАНИА : "АПОЛИТИКЦӘА АМЦҲӘАРА ИАҞӘЫХТӘУП"

Аҧсны Ахада иалхра
акампаниа иҭагӡаны Аҧсны Ахадарахьы акандидат Аслан Бжьаниеи уи ихаҭыҧуаҩрахь акандидат Бадра Гәынбеи Очамчыра араион Џьгьарда ақыҭан аиҧылара мҩаҧыргеит.
Аизара иалагаанӡа Аслан Бжьаниеи Бадра Гэынбеи аҭааит Аҧсны ахақәиҭра зхы ақәызҵаз афырхацәа рбаҟа.

Аслан Бжьаниеи Бадра Гәынбеи ирҧыларц иааиз рыла иҭәит Џьгьардатәи акультуратә хан.
"Даара ҳашәзыҧшын,шәбара ҳаигәырӷьеит"-иҳәеит ақыҭа ахада Асланбеи Сангәлиа аизара аартуа.

"Аполитикцәа амцҳәара иаҟәыхтәуп"- иҳәеит Аслан Бжьаниа иқәгылараҿы.
"Уаҵәы зегь кашыррахоит ҳәа шәазҳәо рыгәра шәымган. Сара амц сҳәарц сҭахӡам. Ауаа аусурҭатә ҭыҧқәа рзаҧҵатәуп. Аус еицаауыр алҵшәагьы ҳауеит"- ҳәа азгәаҭеит акандидат.
Иара убас Аслан Бжьаниа дазааҭгылеит аҵарҭышагара атема.
"Зегь иреицәоуп аҳәынҭқарра аҵаӷьычра.
Аҧсны абылтәы анаплакы аҿы 250 миллион аҧара иашамкуа иныхын ҳәа шьақәдырӷәӷәеит,уи аҧара х-раионк ныҟәнагон: Очамчыра,Тҟәарчал,Гал.
Ақыҭауаа рыцхраара акәым,ирҧырхагамхартә ирзыҟамҵеит"- иҳәеит Аслан Бжьаниа Џьгьардаа рҿаҧхьа дықәгыло.

Аҧсны Ахада ихаҭыҧуаҩрахь акандидат Бадра Гәынба еизаз иргәалаиршәеит 2014 нӡа ишаҧҵаз ақыҭанхамҩатә программақәа.
"Ақыҭауаа ирыхәон,аусурҭа ҭыҧқәа рыман.
Аха 2014 шықәсазы ахадарахьы инеиз урҭ апрограммақәа гәыгәҭарыжьит,иҟаз апрезидент акагь ҟаимҵеит ҳәа рҳәарц азы" -ҳәа азгәеиҭеит Бадра Гәынба.
"Ҳара зегьы ақыҭа ҳалҵит,ақыҭаҿы иҟоуп ҳмилаҭ адоуҳа,ақыҭанхамҩа ашьҭыхра аҳәынҭқарра ихадоу адҵақәа ируакзароуп"-иҳәеит акандидат.

Анаҩс иқәгылоз Леонид Лакербаиа иажәақәа рыла Аслан Бжьаниа икомандаҿы аилибакаара ыҟоуп.
"Ҳаҩныҵҟа апроблема ҳамаӡам.
Командак ҳауп,ҳаидгылоуп,даҽакала изҳәо, изҭаху ргу иамжьааит. Ҳара иҿыцу акоманда еибаҳҭеит.
Адгәыр Арӡынба икоманда ҿыцӡам,уи Аҳаџьым икоманда ауп"- иҳәеит Леонид Лакербаиа.
Аиҧылара мҩаҧысит аҧхарра аҵаны. Аизара ашьҭахьгьы ақыҭауаа ирҭааз асасцәа краамҭа иоуражьуамызт.

Анаҩс Аслан Бжьаниеи Бадра Гәынбеи рхы дырхеит Лабраҟа,уаҟагьы имҩаҧысит аиҧылара.
Иара убас иахьа Аҧсны Ахадарахьы акандидат Аслан Бжьаниеи уи ихаҭыҧуаҩрахь акандидат Бадра Гәынбеи иазҧхьагәаҭаны ирымоуп Акәаскьа ақыҭан аизара амҩаҧгара.
Авидео шәахәаҧш "Аҧсны.Иахьа"аҿы





comments powered by HyperComments

comments powered by HyperComments
СМОТРИТЕ ТАКЖЕ:
Ещё