Атеатр ҧызжәо абомба акәӡам, аҭыӡшәа ауп

Мышқәак раҧхьа иҳалаҩҩыз ажәабжь, «аҧсуа театр абомба аҵазар ауеит ҳәа», анцәа иџьшьаны баша цәажәарахеит. Аха ацәажәарақәа еиқәымтәеит аҿар ртеатр ақәгыларақәа анымҩаҧыргалаша амш иахырҟьаны. Ара иҟалеит аимак-аиҿак. Аҭыӡшәа аҧыза-аминистр далацәажәар ақәхеит. Ирыдигалеит иҿыцу аиқәшаҳаҭра. Иргылоума нас акәаҧ ари аус аҿы? Амедиа-клуб «Аҧсны.иахьа» азҵаара аҭак ҟаиҵоит Аслан Еныкь:
«Аԥыза аминистр иҳадигалаз аиқәшаҳаҭра ҳара ҳнапы аҵаҳмыҩӡеит, избанзар иҳадҳамкыло рацәоуп. Уаанӡа ҳара есԥшьаша ҳақәгылон. Аха, аԥыза-министр иҳадигало аиқәшаҳаҭраҿы есшәахьа ақәгылара азин шәымоуп ҳәа аҳәоит. Уи ҳара мап ацәаҳкуеит. Есшәахьа адунеи атеатрқәа зегьы ԥсшьара мшны ирымоуп, аус руӡом. Иара уи адагьы, ашәахьа аԥсшьара мшқәа рнаҩс ицәгьоуп ақәгылара.
Ҳара макьана имҩаԥаҳгоит аицәажәарақәа ҳазҵаара ишаҳәҭоу ирыӡбаразы.
Аԥсуа драматә театр асахьаркыратә напхгаҩы Нодар Ҷанбеи ҳареи ҳаицәажәараан, иаҳҳәеит, аԥшьаша амш ҳашәымҭозар, ма аҩаша-ахаша руак ҳашәҭ ҳәа. Раԥхьаӡа дақәшаҳаҭын, аха, нас игәаанагара иԥсахит. Иҳадигалеит ахәаша. Аха, ари амш кьаҿуп, ахәаԥшцәа узеизгаӡом. Иара Аԥсуа театргьы ахәашала иқәгылаӡом.
Иазгәасҭарц исҭаху, ҳара асцена маҷ “Абаза" аҟынтәи асцена ду ахь ҳаныиасуа жәамш ҳтахуп, аха, аԥсуа театр иҳанаҭоит хәымш. Хәымш асцена ду ашьцылареи, адекорациақәеи рыиагареи, реиқәыршәареи рзы даара ишмаҷу уи даргьы ибзиан еилыркаауеит. Абарҭ азҵаарақәа рҿы макьаназы ҳаиқәшаҳаҭым.
Ҳгәыӷуеит, арҭ азҵаарақәа рыӡбараан акаҿы ҳаизааибагап ҳәа»

19 Х 2018.
comments powered by HyperComments

comments powered by HyperComments
СМОТРИТЕ ТАКЖЕ:
Ещё
Made on
Tilda