Альбина Жьиҧҳа : «Ишәдыруандаз, аефир минуҭқәак шагу анҵамҭа амонтаж аҟаҵара иацу агәыхыҭхыҭра, удақәа рҿы ушьа зегьы анеилашуа, аредакторцәа "шәалга!" ҳәа ианухагыло»

Ателехәаԥшратә ҭаацәара ҳәа рзуҳәар ҟалоит Роберт Џьапуеи Альбина Жьиԥҳаи. Рҩыџьагьы ателехәаԥшраҿы ауыс аныруаз аҭаацәара аԥырҵеит. Ирымоуп хҩык аԥҳацәа. Иҿырԥшыгоу ҳаамҭазтәи аҭаацәара қәыԥш ҳәа рзуҳәар ҟалоит.
«Издыруада шаҟа аинтерес аҵаз ателехәаԥшраҿы ицоз адырраҭарақәа рымаӡақәа аартра, урҭ шыҟарҵо ҩныҵҟала рбара. Шаҟа игәырӷьарааз Гәырам Артиом-иԥа Амқәаб аусура шәалагар шәылшоит аниҳәаз, шаҟа ихааз раԥхьатәи ауалафахәы. Хәылбыҽхала аҩны ҭаацәашәала ҳанеилатәаз ианырзеиҭасҳәоз уажәы ицо анҵамҭа амонтаж шыҟасҵоз. Исгәалашәоит, уи аамҭаз коррепондентс аус зуаз Daur Inapshba, Владимир Никонов, Astanda Ketsba, Нонна Кокоскир, Эсма Джикирба ргәы иаахәартә еиԥш лассы амонтаж аҟаҵара сыҽҽазызшәоз. Абжьы аҭаҩра, асинхронқәа ралхра, нас дара аиаанӡа акадрқәа реиқәыршәара, шаҟа сгәырӷьоз иазсырхиаз акадрқәа аныргәаԥхоз, акорреспондент еиҭалҳәоз ахҭыс уи иақәшәо акадрқәа аныҟаз. Ишәдыруандаз, аефир минуҭқәак шагу анҵамҭа амонтаж аҟаҵара иацу агәыхыҭхыҭра, удақәа рҿы ушьа зегьы анеилашуа, аредакторцәа "шәалга!" ҳәа ианухагыло. Шаҟа игәаӷьыуацәааз раԥхьатәи асиужет аҟаҵара, шаҟа схы-сгәы сфе ахәаԥшцәа аинформациа ииашан ирызназгама, иахәҭаз зегьы еиҭасҳәама ҳәа. Уи аҭакԥхықәра иахьагьы саҵоуп, аха аԥхьа иахьыснырыз Аԥсуа телехәаԥшраҿы ауп. Сгәы дууп АТ сахәҭакны сахьыҟаз, иҭабуп аус зцызуаз зегьы! Ишәыдысныхәалоит ателехәаԥшра аусзуҩцәа жәынгьы-ҿангьы аус зуаз, иара иазааԥсаз. Ицәажәалааит наунагӡа, аԥсышәала, амилаҭҭә телехәаԥшра!»

Aҟәа 06 ХІ 2018
comments powered by HyperComments

comments powered by HyperComments
СМОТРИТЕ ТАКЖЕ:
Ещё
Made on
Tilda