Нанҳәамза 15, 2019 ш.
Гәдоҭа араион Аҷандара ақыҭан имҩаҧысит Аҧсны ахадарахь акандидат Алхас Кәыҵниеи уи ихаҭыҧуаҩрахь акандидат Дмитри Дбари ауаажәларреи реиҧылара
Аҷандара ақыҭан имҩаҧысит Аҧсны ахадарахь акандидат Алхас Кәыҵниеи, уи ихаҭыҧуаҩрахь акандидат Дмитри Дбари ақыҭа ауаажәлари реиҧылара. Акандидатцәа рнысымҩақәа дырзааҭгылеит Алхас Кәыҵниа игәрагаҩы Валери Аҩӡба. Атәыла ахадарахь акандидат Алхас Кәыҵниа иқәгылараҿы дрылацәажәеит аопозицатә еиҿкаарақәа аҵыхәтәантәи хә- шықәса раахыс имҩаҧгагоз аусура атәы. "Аҧсны анапхгара амчрахь ианнеиуахз ажәлар ирырҭаз ажәа, изықәдыргәыӷыз ауснагӡатәқәа ус иаанхеит . Амчрақәа рнапынҵақәа реихшара залыршамхеит, азҵаарақәа зегьы аӡәы инапаҿы иҟоуп, иҭахызар иӡбоит, иҭахымзар иӡбаӡом. Аиҭакрақәа ҟамлар даҽа хә- шықәса, даҽа жәа-шықәса убас иҟазаауеит"-иҳәеит Алхас Кәыҵниа.

Витали ЏЬЕНИА
Аҷандара ақыҭа ахаҭарнак
"Аҧсны Ахада иалхра аҳәаанырцәтәи атәылақәа рҿы амҩаҧгаразы азакәан аҧсахрақәа алагалатәуп. Иахьатәи амшала уахәаҧшуазар, еилкаам азҵаарақәа рацәоуп, апарламент арҭ азҵаарақәа аҭыҧ иқәырҵароуп"

comments powered by HyperComments
comments powered by HyperComments
СМОТРИТЕ ТАКЖЕ:
Ещё