Амедиа-клуб «Аҧсны.иахьа» ишәыднагалоит
арубрика ҿыц «Аиҭакрақәа раамҭа»

Анҵамҭақәа рҟны ишәҳардыруеит Аҧсны аҿиара азҵаарақәа ирызку ҳауаажәлар рхаҭарнакцәа ргәаанагарақәа. Ари аҭыжьымҭаҿы ианаҳҵоит Аҧсны Жәлар Реизара адепутат Аслан Бжьаниа аҳәынҭқарратә анапхгараҭаратә усбарҭақәа, азинхьчаратә структурақәа, аусӡбаратә мчрақәа русура аиҭакразы аус здиулаз аконцепциа аҟнытә ахәҭақәак.
Амчра амахәҭақәа реихшара.

Аҧсны ахадеи, аиҳабыреи, апарламенти рнапынҵақәа реихшаразы ажәалагала ҟаҵоуп. Уи иазҧхьагәанаҭоит аекономикатәи, асоциалтәи, акультуратәи ҿиара азҵаарақәа аминистрцәа реилазаарахь аиагара. Иаку афинанстә-кредиттә политика амҩаҧгара, аҳәынҭқарратә мазара анапхгараҭара, ақалақьқәеи араионқәеи рхадацәа раҭара уҳәа реиҧш иҟоу азинқәа аиҳабыра рнапы анҵара. Иара убас, Аҧсны аиҳабыра рхантәаҩы атәыла ахада дшьақәирӷәӷәоит апарламент анақәшаҳаҭхалагь ашьҭахь. Усҟан атәыла ахада Аконституциа агарантс дҟалоит анагӡаратәи азакәанҧҵаратәи мчқәа реимадараҿы.

Алҵшәақәа: апрофессионалтә ҩаӡара ашьҭыхра, хаз игоу аминистыррақәеи, аҳәынҭкомитетқәеи, аусҳәарҭақәеи рхыҧхьаӡара еиҵахоит. 2018ш. Мшаҧымза аахыс Жәлар реизараҿы ишьҭоу азакуан апроектқәа хара имгакәа ирыхәаҧштәуп. Уаҟа иарбоуп амҵура змоу ачынуаа иара убас адепутатцәа идырҳауа, инырхәа, рмазара ауаа ирбаратәы ашәҟәҭагалара. Акоррупциа иаҿагыланы ақәҧара алзыршо азакәанқәа реиҭакра. Ачынуаа атранспорт ахархәараҿы аҧҟарақәа. Ачынуаҩ, иуалафахәу ааасҭа еиҳаны амалрҳара далагазар ирҳаз ширҳаз шьақәирӷәӷәароуп аҧҟара инақәыршәаны, мап анакәха ҭакрала ахьырхәра иқәҵахоит.

Анаҩстәи аҭыжьымҭаҿы ҳарзааҭгылоит азинхьчаратә усбарҭақәа рреформазы адепутат А. Бжьаниа иажәалагалақәа.
comments powered by HyperComments

comments powered by HyperComments
СМОТРИТЕ ТАКЖЕ:
Ещё
Made on
Tilda