Ишааиц иааиуеит

Имҩаԥысит Аполитикатә Партиа «Амцахара» апрезидиум аилатәара. Уи рхы аладырхәт апартиа араионтә ҟәшақәа рхаҭарнакцәа, аопозициатә мчқәа реилазаара ацхантәаҩы, Жәлар Реизара адепутат Аслан Бжьаниа.
Апрезидиум аҟны ишазгәаҭаз ала, аопозициатә мчқәа рнапхгаҩцәа Аԥсны аҭагылазаашьа зеиԥшроу ҳауаажәлар реилыркааразы аиԥыларақәа, аизарақәа, астол гьежьқәа мҩаԥыргеит иҳаҩсыз ашықәсқәа ирылагӡаны. Иазгәарҭеит иара убас, аҵыхәтәантәи ашықәсқәа рзы атәыла асоциал-економикатә ҭагылазаашьа аиӷьтәразы аҳәынҭқарра анапхгара рҿаԥхьа иқәдыргылаз азҵаарақәа аԥсҭазаараҿы рынагӡара шрылымшаз иахьатәи ҳаиҳабыра. Иԥсыҽхеит аекономика, ақыҭақәа раарыхра маҷхеит, акриминогентә ҭагылазаашьа шыуадаҩыц иаанхоит. Арҭ акрызҵазкуа азҵаарақәа рыӡбразы амҩақәа рыԥшаара ахаҭыԥан, ахырқьиара иаҿуп, аекономика аҿиара амҩа иануп, иахьа еиҳа еиӷьуп рҳәоит аиҳабыра рхаҭарнакцәа. Убри аамҭазы, рҿала иазгәарҭоит аекономикатә ҭышәынтәалара ыҟоуп ҳәа аҳәара шзаацәоу. Ишԥеилкаатәу шьҭа уи? Еиӷьума ма еицәоума аекономикатә ҭагылазаашьа? Рҽеилдыргар ауми.

«Амцахара» апрезидиум аҟны ишазгәарҭаз ала, Аҳәынҭқарра Ахада иалхра аҽҳәара анрыларҳәалак ашьҭахь аизара ду мҩаԥгахоит. Уаҟа иҳәахоит аопозициатә мчқәа реилазаара ахьӡала иқәдыргыло атәыла ахадарахьы акандидат ихьӡ. Иазгәаҭан иара убасгьы, хырҩа шаҭатәым аопозициатә мчқәа реилазаара аҩшара, аиларбгара иашьҭоу амчқәа иаадырԥшуа аҽазышәарақәа. Аопозициатә мчқәа реилазаара, хаҭала Аслан Бжьаниа изныкымкәа-иҩынтәымкәа акьыԥхь ианырҵахьеит инарҭбаау апрограмма. Уаҟа иаарԥшуп ҳтәыла аҿиара амҩақәа, имҩаԥгатәу аиҭакрақәа,, аҳәынҭқарра анапхгара аҭаратә усбарҭақәа реиҿартәышьа аиҭахәаԥшра. Аҳәынҭқарра аҿиара иаԥырхагоу амзызқәа раԥыхразы аҭакԥхықәра аҵалара зылшо, излымшо ажәлар роуп изыӡбо, ихадароу, аиаша аҳәареи ажәа анагӡареи иуалԥшьа дуны иԥхьаӡатәуп ҳәа азгәаҭан «Амцахара» апрезидиум аилатәараҿы.
Амедиа-клуб «Аԥсны. иахьа»

Аҟәа, 2 ІѴ 2019 ш.
comments powered by HyperComments

comments powered by HyperComments
СМОТРИТЕ ТАКЖЕ:
Ещё